Prezident Serdar Berdimuhamedow GDA ýurtlarynyň döwlet baştutanlarynyň resmi däl sammitine gatnaşmak üçin Russiýa Federasiýasyna sapar edýär.
Türkmen metbugaty prezidentiň Sankt-Peterburgda resmi adamlar tarapyndan garşy alnandygyny habar berýär.
Garaşsyz Döwletleriň Arkalaşygynyň assosirlenen agzasy bolup, Türkmenistan gatnaşyjy döwletler bilen aradaky gatnaşyklary deňhukuklylyk, özara bähbitlilik esasynda, her bir tarapyň milli bähbitlerini we umumy maksatlaryny nazara almak bilen ýola goýýandygyny aýdýar.
Bu ýyl GDA Gyrgyzystan ýolbaşçylyk etdi, indiki ýyl oňa Russiýa ýolbaşçylyk eder.