Türkmenistanyň Goranmak ministrliginiň wekiliýeti Daşkent şäherinde Merkezi we Günorta Aziýanyň baş ştablarynyň ýolbaşçylarynyň maslahatyna gatnaşdy diýip, türkmen metbugaty Özbegistanyň Goranmak ministrliginiň metbugat gullugyna salgylanyp habar berýär.
"Özbegistan" halkara forumlar merkezinde geçirilen maslahata Türkmenistanyň wekilleri bilen bilelikde Özbegistanyň, ABŞ-nyň, Pakistanyň, Gazagystanyň, Gyrgyzystanyň hem-de Täjigistanyň goranmak ministrlikleriniň ýolbaşçylary we wekilleri hem gatnaşdy.
Harbylar sebit howpzulygy, terrorçylyga garşy göreşmek, ynsanperwer kömek we sebitara durnuklylygy ýaly meseleleri maslahatlaşdy diýip, "Türkmenportalyň" habarynda aýdylýar.