Ulag we logistika gatnaşyklaryny pugtalandyrmak, şol sanda Hytaýdan Ýewropa Russiýadan sowlup geçmek mükinçiligini berýän marşrut gurmak Türki döwletler guramasynyň ileri tutulýan wezipeleriniň biri diýlip atlandyryldy.
Gazagystanyň prezidenti Kasym-Žomart Tokaýew TDG-niň 6-njy noýabrda Bişkekde geçirilen sammitinde eden çykyşynda guramanyň agzalaryny Merkezi Aziýa, Hazar deňzi we Günorta Kawkaz ýurtlarynyň üstünden geçýän koridoryň mümkinçiliklerinden peýdalanmaga çagyrdy.
“Türk dünýäsiniň ykdysady taýdan mundan beýläk hem ösmegi üçin strategiki ähmiýete eýe bolan “Orta koridoryň” mümkinçiliklerinden doly peýdalanmak zerur. Şu sebäpden bu ugurda ýük daşamagyň durnukly ösüşini üpjün etjek şertnama baglaşmak zerur bolup görünýär. Gatnaşyjy döwletler bu başlangyjy goldar diýip umyt edýärin" diýip, Akorda Tokaýewiň sözlerine salgylanyp habar berdi.
Gazagystanyň prezidentiniň metbugat gullugy Tokaýewiň, “türk dünýäsiniň bir-bitewi maglumat giňişligini döretmek üçin kabel telekanallarynyň özara ýaýlymyny” guramagy hem teklip edendigini habar berdi.