ABŞ-nyň saýlanan prezidenti Donald Tramp bilen Russiýanyň prezidenti Wladimir Putiniň arasyndaky telefon söhbetdeşligi ýakyn günlerde ýa-da hepdelerde bolup biler diýip, Trampyň milli howpsuzlyk geňeşçisi boljak kongresmen Maýk Waltz ABC News-a beren interwýusynda aýtdy.
Waltz bu telefon söhbetdeşliginiň häzir taýýarlyk görülýän Tramp-Putin sammitine tarap ädilen ilkinji ädim boljakdygyny aýtdy.
"Biz bu duşuşygyň takyk gurluşyny entek kesgitlemedik, ýöne onuň üstünde işleýäris" diýip, kongresmen duşuşyga Ukrainanyň prezidenti Wolodymyr Zelenski hem gatnaşarmy diýen soraga jogap berende aýtdy.
Waltz rus-ukrain harby konflikti barada ylalaşyk gazanmak üçin frontdaky ýagdaýy durnuklaşdyrmagyň möhüm bolup durýandygyny nygtady.