Moskwa şäher kazyýeti 29-njy oktýabrda Täjigistanda doglan IT hünärmeni Firuz Dadoboýewi dönüklikde aýyplap, 13 ýarym ýyl türme tussaglygyna höküm etdi.
Döwlet eýeçiligindäki metbugat FSB-niň, Federal howpsuzlyk gullugynyň 1977-nji ýylda doglan we goşa raýatlygy bolan Dadoboýewiň 2022-nji ýylyň oktýabr aýynda Moskwada, ABŞ-nyň Merkezi aňtaw gullugynyň wekiline gizlin maglumatlary geçirmäge synanyşanda tussag edendigini habar berdi. FSB-niň maglumatyna görä, Dadoboýew günäsini boýun aldy.
Şeýle-de, kazyýet ony 300 000 rubl (3,080 dollar) jerime tölemeli etdi.
Russiýada dönüklik bilen baglanyşykly işleriň sany Moskwa 2022-nji ýylyň fewral aýynda Ukraina çozaly bäri köpelýär.
Russiýanyň prezidenti Wladimir Putin dönüklik üçin berilýän jezany berkidip, ömürlik türme tussaglygyna çenli uzaltmak baradaky kanuna gol çekdi.