logo
Fotosergi

Soňky 100 ýylyň içinde, ABŞ-nyň prezidentleriniň kasam kabul ediş dabaralary nähili geçdi. Fotosergi

Prezident Kelwin Kulija (baş maşynyň arka kürsüsinde başy açyk) 1925-nji ýylyň 4-nji martynda ikinji kasam kabul ediş dabarasyndan soň, dabaraly kerwen bilen barýar. Dabaraly çäreler ilkinji gezek milli radioda ýaýlyma berildi. Bu bolsa 23 milliona golaý amerikalylara täze prezidentiň çykyşyny diňlemäge mümkinçilik döretdi.

1929-njy ýylyň 4-nji martynda prezident Herbert Guweriň inaugurasiýa çykyşyny diňlemek üçin, Kapitol meýdanynda we üçeklerde ýygnan märeke.

Inaugurasiýa dabarasynyň senesi ilkibaşda 4-nji marta bellenildi, emma 1933-nji ýylda Konstitusiýa girizilen düzedişe laýyklykda, geljekde dabaralaryň geçirilmegi 20-nji ýanwara bellenildi.

Ýaňy wezipesine başlan prezident Franklin Delano Ruzwelt (ortada, ala galstukly) 1933-nji ýylyň 4-nji martynda aýaly Eleanora we ogly Jeýms bilen Ak tama gelýär. Prezident 1933-1945-nji ýyllar aralygynda, öň görülmedik dört möhlete gulluk eder.

1951-nji ýylda Konstitusiýa girizilen düzediş mümkin bolan prezidentlik möhletiniň çägini iki möhlete getirdi.

Prezident Garri Truman 1949-njy ýylyň 20-nji ýanwarynda Kapitola ýygnanan mähellä ýüzlenýär.

Bu çykyşdan soň Trumanyň ýeke-täk doly möhletlik prezidentlik wezipesi başlandy. Ruzwelt ýolbaşçy wagtynda, ol wise-premýer bolup işledi we 1945-nji ýylyň aprel aýynda Ruzwelt aradan çykandan soň, premýer-ministrlik wezipesiniň gysgaldylan birinji möhletine ýolbaşçylyk etdi.
 

1953-nji ýylyň 20-nji ýanwarynda inaugurasiýa dabarasy geçirilende, Monty Montanaly at çopany prezident Duaýt D. Eýsenhaweriň üstüne kement oklap, gülki döretdi. Eýsenhawer ABŞ-nyň prezidentiniň wezipesine doly iki möhletde hyzmat etdi.
 

Prezident Jon Kennediniň (başky ulagda başy açyk barýar) hormatly kerweni 1961-nji ýylyň 20-nji ýanwarynda kasam kabul ediş dabarasyndan soň, Amerikanyň baş köçesi Pensilwaniýa awene golaýlaşyp barýar. Kennedi 1963-nji ýylyň noýabr aýynda atylyp öldürildi.
 

Lindon B. Jonson 1965-nji ýylyň 20-nji ýanwarynda ABŞ-nyň 36-njy prezidenti hökmünde kasam edýär. Onuň üçin kasam kabul edişlik Kennediniň öldürilmeginden soň, wezipä gireninden bäri ikinji gezek bolýar.
 

Täze prezident Riçard Nikson (çepde) maşgalasy bilen 1969-njy ýylyň 20-nji ýanwarynda, öňki prezidenti Jonsonyň maşgalasy bilen görüşýär. Nikson Ak tama iki gezek saýlansa-da, Watergate masgaraçylygyndan soň, ikinji möhletiniň ortasynda wezipesinden çekildi.
 

Jerald Ford Ak tamda ABŞ-nyň 38-nji prezidenti hökmünde kasam içýär (aýaly Betti sagda). Inaugurasiýa dabarasy 1974-nji ýylyň 9-njy awgustynda Riçard Niksonyň wezipesinden çekilen güni boldy.
 

Inaugurasiýa dabarasyna aýagy tigirli gatnaşyjy 1977-nji ýylyň 20-nji ýanwarynda, prezident Jimmi Kartere salam ýollaýar.
 

Prezident Ronald Reýgan bilen ilkinji hanym Nensi 1981-nji ýylyň 20-nji ýanwarynda kasam kabul ediş dabarasyndan soň, halk köpçüligini limuzin maşyndan gutladylar. Reýgan Ak tamda iki möhleti geçirdi.
 

Prezident Jorj W. Buş bilen ilkinji hanym Barbara W. Buş Pensilwaniýa awende märeke bilen salamlaşýarlar. ABŞ-yň 41-nji prezident 1989-njy ýylyň 20-nji ýanwarynda wezipä girişdi.
 

Bill Klinton 1993-nji ýylyň 20-nji ýanwarynda kasam kabul edýär. Onuň gapdalynda aýaly Hillary we gyzy Çelsi durlar. Klinton iki prezidentlik möhletine gulluk etdi.

Täze prezidentler "prezidentiň wezipesini sap ýürek bilen dolandyrjakdygyna" söz bermeli hem-de "Birleşen Ştatlary gorap saklamaga we Konstitusiýany goramaga" hökman wada bermeli.
 

Prezident kiçi Jorj W. Buş we onuň aýaly Lora (çepde) 2001-nji ýylyň 20-nji ýanwarynda kasam kabul ediş dabarasyndan soň, wise-prezident Dik Çeni we onuň aýaly Linn (sagda) bilen Kapitolyň basgançagynda. Buş iki möhlete prezident boldy.
 

ABŞ-nyň prezidenti Barak Obama bilen öňki prezidenti Jorj W. Buş Kapitoldan çykyp barýarlar. Dabarada Obama ABŞ-nyň 44-nji prezidenti hökmünde kasam kabul etdi. Ol öz wezipesinde iki möhlet gulluk etdi.
 

Prezident Donald Tramp bilen baş hanym Melaniýa Tramp 2017-nji ýylyň 20-nji ýanwarynda, Pensilwaniýa awende barýan dabarada
 

ABŞ-nyň prezidenti Jo Baýden we onuň aýaly Jill 2021-nji ýylyň 20-nji ýanwarynda kasam kabul ediş dabarasyndan soň, ýygnananlar bilen salamlaşdylar.