ABŞ-nyň milli howpsuzlyk geňeşçisi Jeýk Salliwan 29-njy awgustda Pekinde Hytaýyň prezidenti Şi Szinpin bilen duşuşyp, noýabr aýynda geçiriljek ABŞ saýlawlaryndan öň iki dünýä döwletiniň arasyndaky dartgynlygy gowşatmak maksady bilen gurnalan üç günlük giňişleýin gepleşikleri jemledi.
Şi Salliwana Pekiniň Waşington bilen durnukly gatnaşyklara ygrarlydygyny aýtdy.
Wang we Salliwan Baýden bilen Şi arasynda ýakyn wagtda täze gepleşikleri geçirmek mümkinçiligini ara alyp maslahatlaşdy, Ýakyn Gündogardaky we Ukrainadaky konfliktler, Hytaýyň Taýwandan Günorta Hytaý deňzine çenli uzaýan talaplary we söwda meselesinde bar bolan gapma-garşylykly garaýyşlar barada pikir alyşdy. Ak tam olaryň "aç-açan, düýpli we konstruktiw maslahat edendigini" aýtdy.