Russiýanyň öten agşamyň dowamynda Ukrainanyň gündogaryndaky Dnipro şäherine uran dron zarbalary netijesinde, parahat ilatyň arasyndan azyndan ýedi adam ýaralandy. Bu barada 1-nji iýulda ýerli harby administrasiýa mälim etdi.
Hüjümde bir dükana we ýaşaýyş jaýlaryna hem zeper ýetendigi nygtalýar.
Mundan birnäçe gün ozal, Russiýanyň Dniprodaky köp gatly bir ýaşaýyş jaýyna hüjüm etmegi netijesinde, bir adam öldi, başga-da 12-si ýaralanypdy.
Ukrain resmileriniň 30-njy iýunda giçlik beren maglumatyna görä, Kiýew regionyna atylan raketanyň netijesinde üç adam, şol sanda bir çaga ýaralandy, şeýle-de üç sany hususy jaýa we birnäçe ulaga zeper ýetdi.