Russiýa öten agşamyň dowamynda Ukrainanyň paýtagtyna we beýleki sebitlerine raketalar we dronlar bilen hüjüm etdi. Bularyň netijesinde azyndan ýedi adam öldi.
Mundan bir gün ozal Ukrainanyň merkezi sebitindäki harby türgenleşik desgasyna amala aşyrylan hüjümde azyndan 51 adam heläk bolupdy.
Poltawa şäherine edilen hüjümden soň, Kiýew Günbatar hyzmatdaşlaryndan, uzak aralyga niýetlenen ýaraglar bilen, Russiýanyň içine hüjüm etmek üçin ygtyýaryň berilmegini ýene bir gezek sorady.
Öten agşamyň dowamynda Lwiwe urlan zarbada ýedi adam öldi diýip, ýerli häkim aýtdy. Maglumata görä, hüjümde 38 adam ýaralanypdyr.