Russiýanyň 22-nji noýabr güni irden Sumy şäherine uran zarbalarynda iki adam ölüp, 12 adam ýaralandy diýip, Ukrainanyň demirgazyk-gündogaryndaky şäheriň häkimi Artem Kobzar telegramda çap eden wideo beýanatynda aýtdy.
"Sumy şäherinde bolan güýçli partlamalaryň birnäçesiniň sesi eşidildi" diýip, ol wideoda partlamalaryň bolan ýerlerine halas ediş toparlarynyň, polisiýa we tiz kömek ulaglarynyň barandygyny aýtdy.
Kobzar ýaşaýjylary gaçybatalgalara girmäge çagyrdy we howa goragçylarynyň gelýän pilotsyz uçarlaryň öňüni almaga çalyşýandygyny aýtdy.
Ukrainanyň Harby-howa güýçleri Russiýanyň pilotsyz uçar hüjümleriniň dört sebite - Sumy, Kiýew, Çernihow we Jitomyre gönükdirilendigini aýtdy.