Rus zarbalary Ukrainanyň iki sebitinde iki adamyň ölmegine we bäş adamyň ýaralanmagyna sebäp boldy diýip, sebit resmileri 25-nji oktýabrda, irden aýtdylar.
Rus goşunlary Gündogar Donetsk sebitinde poçta bölümine zarba urup, iki adamyň ölmegine we bir adamyň ýaralanmagyna sebäp boldy diýip, sebit gubernatory Wadim Filaşkin habar berdi.
"Ruslar ýene bir gezek raýat desgasyna - poçta bölümine bilkastlaýyn hüjüm etdiler we administratiw binalara hem zyýan ýetdi" diýip, Filaşkin aýtdy.
Günortadaky Herson sebitinde ruslaryň 27 ýere, şol sanda Herson şäherine eden agyr top hüjümi bäş sany parahat adamy ýaralady diýip, sebitiň gubernatory Oleksandr Prokudin telegramda habar berdi.
"Rus harbylary möhüm infrastruktura desgalaryny, öýjükli telefon diňlerini we ýaşaýyş ýerlerini nyşana aldy" diýip, Prokudin aýtdy.