Russiýanyň Ukrainanyň gündogaryndaky Kramatorsk şäherine uran zarbasynda heläk bolan adamlaryň sany ikä ýetdi. Bu barada regional häkim Wadym Filaşkin 25-nji sentýabrda habar berdi.
Onuň sözlerine görä, zarbada başga-da azyndan 12 adam, şol sanda 3 çaga ýaralanypdyr.
Ýerli resmiler Russiýanyň güýçleriniň Kramatorskyň merkezini nyşana alyp, köp gatly iki jaýa, dükanlara we ulaglara zeper ýetirendigini aýtdy.
25-nji sentýabrda Russiýa Herson sebitini hem nyşana aldy aldy diýip, ýerli häkimiýetler aýtdy.
Hüjümde 80 ýaşly bir aýal heläk boldy, şeýle-de köçedäki iki adam ýaralandy diýip, Hersonyň häkimi Oleksandr Prokudin Telegramda aýtdy.