Russiýanyň Kiýewe 27-nji noýabrda, irden eden pilotsyz uçar hüjüminde iki adam ýaralandy we ýaşaýyş jaýyna zyýan ýetdi diýip, ukrain paýtagtynyň häkimi Witaliý Kliçko aýtdy.
Ukrainanyň howa güýçleri Russiýanyň sekiz sebite - Kiýew, Çernihiw, Sumy, Harkow, Poltawa, Jitomyr, Hmelnytskiý we Mykolaýew sebitlerine 89 sany pilotsyz uçar bilen hüjüm edendigini aýtdy.
Ukrainanyň howa goragçylary ruslaryň iberen hüjümçi pilotsyz uçarlarynyň 36-syny urdy, 48 dron bolsa, nawigasiýa ulgamlarynyň elektroniki usullar bilen gysylmagy sebäpli, ugur-ýoluny ýitirdi diýip, Harby-howa güýçleri telegramda aýtdy.
Galan bäş dron Ukrainanyň çäginden Belarusa geçip, soňra Russiýa gitdi diýip, howa güýçleri aýtdy. Russiýanyň Goranmak ministrligi ýurduň howa goragçylarynyň Rostow sebitinde 10 sany ukrain pilotsyz uçaryny we Gara deňiz boýundaky Sewastopol portunda iki sany drony urandygyny aýtdy.