Moskwa kazyýeti 12-nji awgustda Russiýadaky özbek diasporasynyň lideri Usman Baratowy onlaýn ýazgysynda ýigrenji öjükdirmekde aýyplap, dört ýyl azatlykdan mahrum etdi.
Baratow dekabr aýynda sosial ulgamlarda Russiýada ýumurtganyň bahasynyň birden gymmatlamagy bilen baglanyşykly ýazgysyndan gelip çykan aýyplamada özüni günäkär hasaplamaýandygyny aýtdy.
Baratowyň ýazgysynda bir gelşiksizje towugyň suraty ýerleşdirilip, onuň gapdalynda "Siz üçin ganly ýumurtga ýok! Horazlary öň hatardan yzyna getiriň!" diýlip ýazylypdyr.
Baratow Kremle tarapdar blogçylaryň bu post Ukrainada söweşmek üçin mobilizlenen rus erkekleriniň yzlarynda galan aýallaryny kemsidýär diýip bildiren nägileligi sebäpli tussag edildi.