Rus häkimiýetleri 18-nji dekabrda özleriniň bir özbek raýatyny tussag edendiklerini, onuň ýokary derejeli rus ofiserini öldüren partlaýjy enjamy partlan ýerine ýerleşdiriendini boýun alandygyny aýtdy.
General-leýtenant Igor Kirillow we onuň kömekçisi 17-nji dekabr güni irden, Moskwadaky binanyň girelgesiniň daş işiginde goýlan skuterde gizlenen bombanyň partladylmagy netijesinde öldürildi.
54 ýaşly Kirillow Russiýanyň 2022-nji ýylyň fewral aýynda Ukraina garşy başlan giň gerimli urşunyň başyndan bäri görnetin kast edişlikde öldürilen iň ýokary derejeli rus harbysy diýlip bilinýär.
Bu hüjümiň jogapkärçiligini resmi taýdan hiç bir tarap öz boýnuna almady. Emma, SBU-daky bir çeşmäniň Azat Ýewropa/Azatlyk Radiosyna aýtmagyna görä, bu partlama Ukrainanyň SBU howpsuzlyk gullugynyň gurnan ýörite operasiýasynyň netijesi boldy.