9-njy oktýabrda irden Ukrainanyň howa hüjüminden goranyş gulluklary Russiýanyň ýurduň Odesa, Winnytsýa we Kiýew regionlaryna atan 22 dronunyň 21-ini urup düşürdi diýip, Harby howa güýçleri mälim etdi. Maglumatda Poltawa regionyna Iskander kysymly üç ganatly raketanyň hem atylandygy bellenilýär.
Kiýew regionynyň resmileri paýtagta tarap barýan ençeme dronuň düşürilendigini aýtdylar.
Bu aralykda, Russiýanyň Goranmak ministrligi Ukrainanyň ýurduň regionlaryna atan 47 dronunyň ýok edilendigini habar berdi. Maglumatda dronlaryň 24-siniň günorta-günbatardaky Brýanskiň üstünde urlandygy, galanlarynyň hem Belgorod, Kursk, Rostow we Krasnodar sebitleriniň üstünde ýok edilendigi aýdylýar.
Regional resmiler hüjümde adam pidalarynyň bolmandygyny aýtdylar. Bu maglumatlary garaşsyz ýagdaýda tassyklatmak mümkin däl.