ABŞ-nyň goranmak sekretary Lloýd Ostin 21-nji oktýabrda, Russiýanyň raýat we energiýa infrastrukturasyna edýän hüjümlerini dowam etdirýän wagtynda, özüni goraýan ýurda goldaw görkezmek maksady bilen, ukrain ýolbaşçylary bilen gepleşik geçirmek üçin Kiýewe geldi.
Öten agşam Krywiý Rihe garşy gurnalan raketa hüjüminde dört adam, şol sanda 12 ýaşly gyzjagaz ýaralandy diýip, Dnipropetrowsk sebitiniň harby dolandyryş edarasynyň başlygy Serhiý Lysak aýtdy.
Russiýanyň 21-nji oktýabr güni irden uran dron zarbalaryndan soň Kiýewiň asmanynda urlan pilotsyz uçarlaryň galyndylary Kiýewde bir adamy ýaralady diýip, ukrain paýtagtynyň harby administrasiýasynyň başlygy Serhiý Popko Telegramda aýtdy.