Russiýa Ýewropanyň milli azlyklary goramak boýunça çarçuwaly konwensiýasyndan çykdy. Moskwanyň bu konwensiýa gatnaşmagy 1-nji awgustda togtadyldy, ýöne Russiýanyň Daşary işler ministrliginiň bu baradaky resmi habary resmi hukuk portalynda üçünji gün çap edildi.
Russiýa bu konwensiýa 1996-njy ýylda gol çekipdi. Şeýle-de, bu konwensiýa Andorra, Monako, Türkiýe we Fransiýa ýaly ýurtlardan başga, Ýewropa Geňeşiniň agza ýurtlarynyň ählisi gol çekdi. Belgiýa, Gresiýa, Islandiýa we Lýuksemburg ýaly ýurtlar hem bu konwensiýa gol çekdi, ýöne olar ony tassyklamady.
Bu konwensiýa Ýewropadaky milli azlyklara garşy diskriminasiýany, olaryň mejbury ýagdaýda assimilýasiýa edilmegini gadagan etmegiň, azlyklaryň öz dinine uýmak we öz dilinde erkin gürlemek azatlyklarynyň üpjün edilmeginiň esasy ýörelgelerini kesgitleýär.