Russiýanyň prezidenti Wladimir Putin iki günlük döwlet sapary bilen Pekine geldi. Munuň bilen ol iki awtoritar ýaranyň arasyndaky jebisligi görkezmäge synanyşýar.
Moskwanyň 2022-nji ýylda Ukraina garşy başladan esassyz urşundan soň, Russiýa ykdysady taýdan Hytaýa has köp garaşly boldy.
Putin saparynyň öň ýany hytaý mediasyna Kremliň Ukrainadaky konflikt boýunça “dialoga açykdygyny” aýtdy, ýöne islendik gepleşiklerde “konfliktiň ähli taraplarynyň, şol sanda özleriniň hem bähbitleriniň göz öňünde tutulmalydygyny” sözüne goşdy.