Prezident Berdimuhamedow Gazagystana sapar edýär

Prezident Serdar Berdimuhamedow

9-njy awgustda Türkmenistanyň prezidenti Serdar Berdimuhamedow iş sapary bilen Gazagystana geldi.

Resmi türkmen maglumatyna görä, ol paýtagt Astanada Merkezi Aziýa döwletleriniň liderleriniň altynjy konsultatiw duşuşygyna gatnaşar.

5-nji awgustda Berdimuhamedowyň özüniň gazak kärdeşi bilen geçiren telefon söhbetdeşliginiň dowamynda, Tokaýew ony bu duşuşyga çagyrypdy.

Şol söhbetiň dowamynda, gazak prezidentiniň güýzde Türkmenistana amala aşyrmagyna garaşylýan saparyna görülýän taýýarlyklar barada hem maslahat edildi. Ýöne mümkin saparyň takyk senesi aýdyňlaşdyrylmady.