Häkimiýetler 29-njy awgust güni irden Pakistan goşunynyň polkowniginiň we onuň maşgala agzalarynyň birnäçesiniň alnyp gaçylandygyny aýtdylar.
Ofiser, onuň iki dogany we bir ýegeni Haýber Pahtunhwa sebitiniň Dera Ysmaýyl Han etrabynyň Kalaç diýen ýerinde maşgala agzasynyň jaýlanyş çäresine gatnaşýan wagtynda alnyp gaçyldy diýip, howpsuzlyk edarasyndaky çeşmeler Maşaal radiosyna aýtdy.
Gadagan edilen “Tehrik-e Talyban Pakistan” (TTP) topary Maşaal radiosyna iberen habarynda ol adamlaryň alnyp gaçylmagynyň jogapkärçiligini öz üstüne aldy we olaryň howpsuz ýagdaýda saklanylýandygyny aýtdy.
Bu waka hökümet Owganystanyň günortasyndan Pakistana gelýär diýilýän söweşijilere garşy harby operasiýa başlanyndan soň boldy.