Golaýda Özbegistanyň mekdepleriniň birinde rus dili klasynyň dowamynda bir okuwçynyň mugallymadan näme sebäpden rusça gürlemeýändigini soranyndan soň ýüze çykan hadysa, Russiýanyň we Özbegistanyň resmileriniň arasynda gyzgalaňly beýanatlara sebäp boldy.
Gürrüňi gidýän hadysa 23-nji sentýabrda paýtagt Daşkendiň mekdepleriniň birinde boldy.
Rus dili klasda okuwçy mugallymadan näme sebäpden rusça gürlemeýändigini soranyndan soň, ol okuwçynyň gulagyndan tutup, ýüzüne şarpyk çaldy .
Bu wideo sosial ulgamlarda giňden paýlaşyldy we russiýaly ulanyjylaryň arasynda berk reaksiýalary döretdi.
Russiýanyň Daşary işler ministrliginiň metbugat wekili Mariýa Zaharowa bir interwýunyň dowamynda, bu hadysa bilen baglylykda Russiýanyň “özbek tarapyndan resmi düşündiriş sorandygyny” aýtdy.