Russiýanyň Goranmak ministrligi 1-nji noýabr güni irden öz goragçylarynyň alty sebitde 83 ukrain dronyny urandygyny aýtdy.
"Kursk sebitinde 36, Brýank sebitinde 20, Krym asmanynda 12, Woronež sebitinde sekiz, Orýol sebitinde dört, Belgorod sebitinde üç dron uruldy” diýip, Ministrlik öz telegram kanalynda çap eden beýanatynda aýtdy.
Brýansk sebitiniň häkimi Aleksandr Bogomaz Brýank şäherinde bir ýaşaýyş jaýyna gelip uran ukrain dronynyň bir adamy ýaralandygyny aýtdy.
Stawropol sebitinde urlan pilotsyz uçar Swetlograd şäherindäki nebit ammarynyň üstüne gaçdy diýip, sebit häkimi Wladimir Wladimirow telegramda aýtdy.
Ukrainanyň Gara deňiz boýundaky Odesa portunda bir ýangyn stansiýasyna gelip uram rus raketasy iki sany ýangyn söndürijini ýaralady diýip, sebit gubernatory Oleh Kiper aýtdy.
Ukrainanyň howa güýçleri öz goragçylarynyň ruslaryň 31 sany pilotsyz uçaryny we bir raketasyny urandygyny aýtdy.