Özbegistan uruşda ejir çeken palestinaly çagalary we aýallary mugt bejermäge taýýar diýip, prezident Şawkat Mirziýoýew 11-nji noýabrda, Riýadda geçirilen adatdan daşary arap-yslam sammitinde aýtdy.
Prezident Mirziýoýew harby hereketleriň haýal etmezden togtadylmalydygyny, howpsuz gumanitar koridorlar bilen üpjün etmegiň we parahatçylyk gepleşikleriniň başlanmagynyň hemişe BMG-niň we Howpsuzlyk Geňeşiniň üns merkezinde bolmalydygyny nygtady diýip, döwlet baştutanynyň metbugat gullugy habar berdi.