Milliard dollarlyk ýarag. Ukraina nähili ýaraglar toplumy berilýär?
AT4 tanka garşy ulanylýan ýarag
Ukrainanyň harby hünärmenleri bu ýaragyň snarýady üçin, FPV dronlarynda ulanylýan özleri tarapyndan üýtgedilen raketalary peýdalanyp bilýärler.
Egniňde goýup, tanka garşy atylýan ýarag 1970-nji ýyllarda Şwesiýada taýýarlanyldy we 1980-nji ýyllarda ABŞ-nyň goşuny tarapyndan kabul edildi.
HAWK uçarlara garşy raketa ulgamy
ABŞ-nyň Döwlet departamentiniň 30-njy dekabrda çap eden beýanatynda, bu täze ýarag toplumy anyklaşdyrylman, diňe "howa goranyş ýaraglaryna" degişli diýilýär. Ýöne AP gullugy Kiýewiň HAWK ulgamlary bilen üpjün edilendigini aýdýar.
HAWK ulgamy ABŞ-nyň ýaragly güýçlerine ilkinji gezek 1959-njy ýylda berlipdi. Maglumatda aýdylyşyna görä, bu köne raketalar Eýran tarapyndan öndürilýän, çaltlygy onçakly ýokary bolmadyk, ‘Şahed’ dronlaryny ýok etmekde netijeli saýylýar.
Ýokary çaltlykda hereket edip bilýän HIMARS artilleriýa ulgamy
Berlen ýardam toplumynda HIMARS üçin raketalar bolar. Ukraina iberilýän HIMARS goýberijileriniň üpjünçiligi barada, doly bir zat aýdylmaýar.
El granatlary
Ukrainadaky uruşda el granatlary garşydaşyň garymlaryna hüjüm edilende, edil dronlar ýaly giňden ulanylýar.
Stinger raketalary
2022-nji ýylyň fewralynda Russiýanyň doly möçberli çozuşlary başlanandan bäri, ABŞ we beýleki ýurtlar tarapyndan, Ukraina müňlerçe eginde goýup atylýan uçara garşy raketa iberildi. Şol ýylyň maý aýyna çenli Waşington Ukrainany Amerikan Stinger gorlarynyň dörtden bir böleginden gowragy bilen üpjün etdi.
155-mm we 105-mm-lik artilleriýa snarýadlary
Bu ölçegdäki oklar NATO tarapyndan Ukraina berlen ýüzlerçe günbatar gaubisalaryna – özi ýöreýän toplara laýyk gelýär. Top oklarynyň ýetmezçiligine we olaryň häzirki möçberde öndürilişine laýyklykda, şu günki günde her 155-mm snarýadynyň bahasyny 8400 dollara durýar.
TOW tanka garşy raketalar
Ulaglaryň üstünde ýerleşdirilýän TOW raketalary Ukrainadaky Orsýetiň bronly tehnikasyny netijeli ýok etmekde, özüni eýýäm mälim etdi.
Javelin raketalary
Ilkibaşda bu hili raketalara rus galkanly tehnikasyna garşy esasy ýarag hökmünde garalýardy. Emma Javeliniň bahasyny göz öňünde tutup, onuň her biri 200 müň dollardan gowrak, olaryň ornuna has arzan bolan FPV dronlary ulanylyp başlandy. Amerikada bar bolan Javelin gorlarynyň ýarysy, ýagny 25 müňe golaý raketa 2022-nji ýyldan bäri Ukraina iberilýär.
30-njy dekabrda yglan edilen harby kömekler toplumynyň köpüsi anyklaşdyrylman, oňa "maksatlaýyn üpjünçilik, egin-eşikler we ýörite enjamlar", şeýle hem "hyzmatlar, tälim bermek we ulag hyzmaty" girýär diýlip mälim edildi.