Ukrainanyň Krywiý Rih şäherine urlan raketa zarbasy bir enäni we onuň üç çagasyny öldürdi diýip, merkezi şäheriň gubernatory Oleksandr Wilkul 12-nji noýabrda, irden habar berdi.
Halas edijiler pida bolan dört adamyň jesetlerini ballistik raketanyň ýumran bäş gatly ýaşaýyş jaýynyň harabalygynyň aşagyndan çykardylar.
Sebit häkimi Serhiý Lysak halas edijileriň wakanyň bolan ýerindäki işlerini dowam etdirýändigini aýtdy.
Şu aralykda, Ukrainanyň uçuran pilotsyz uçary Russiýanyň Belgorod sebitinde ýerleşýän Stary Oskol şäheriniň ýangyç ammaryna ot berdi. Bu şäher ukrain serhedinden 100 km çemesi uzaklykda ýerleşýär.
Sebit gubernatory Wýaçeslaw Gladkow telegramda ölenler barada habar almangyny aýtdy.
Russiýanyň Goranmak ministrligi howa goragçylarynyň Ukrainanyň 13 sany pilotsyz uçaryny urandygyny, olaryň dokuz sanysynyň Belgorodda, ikisiniň Brýanskda, ýene ikisiniň bolsa Kursk sebitinde ýere gaçyrylandygyny aýtdy.