2024-nji ýylda Günorta Koreýa işlemäge giden 80-e golaý özbek raýaty şertnamalarynyň şertlerini bozup, özlerine kepil geçenleri döwlete 2 milliard sumdan gowrak (155 müň dollardan gowrak) jerime tölemäge mejbur etdi.
Özbegistanyň Migrasiýa gullugy bu hili ýagdaýlaryň ýurduň halkara zähmet bazaryndaky abraýyna zyýan ýetirýändigini aýdyp, özbek migrantlaryny borçlaryny ýerine ýetirmäge çagyrdy.
Agentligiň metbugat gullugynyň habaryna görä, soňky döwürde özbek raýatlarynyň öz iş ýerlerini sebäpsiz terk edip, bikanun işlere baş goşýan ýagdaýlary ýüze çykaryldy we bu hili bidüzgünçilikler bölünip berlen zähmet kwotalarynyň sanyna çynlakaý täsir edýär
Migrasiýa gullugynyň kesgitlän düzgünlerine görä, her bir özbek raýaty Günorta Koreýada işlemek üçin üç taraplaýyn şertnama baglaşýar. Resminamada aýdylmagyna görä, migrant işçi Günorta Koreýadaky iş ýerini sebäpsiz terk eden halatynda, oňa kepil geçen adam - ýakyn garyndaşy migrant işçiniň Günorta Koreýada eden bikanun işleri üçin her aýda 2000 dollar jerime tölemäge razy bolýar.