ABŞ-da Demokratlardan prezidentlige dalaşgär Kamala Harris özüniň wise-prezidenti hökmünde Minnesotanyň häkimi Tim Walzy saýlandygyny mälim etdi.
Harris 6-njy awgustda özüniň saýlaw egindeşini tanyşdyranynda, 60 ýaşly Walzyň “birinji günden” başlap wise-prezident hökmünde hyzmat etmäge taýýardygyny belledi.
Walz degişlilikde kän bilinmeýän syýasatçydyr. Ol 2018-nji ýyldan bäri Minnesotanyň häkimi wezipesini eýeleýär. Mundan öň, ol 12 ýyllap Wekiller öýünde bu ştata wekilçilik edipdi.
Minnesotanyň häkimi hökmünde, ol Demokratlaryň öňe sürýän meselelerini ilerletmekde, şol sanda aýallaryň abort hukuklary, maşgalalara has köp hemaýatyň berilmegi we klimatyň üýtgemegi boýunça tutanýerlilik bilen durmak ugrunda tagalla etdi.
5-nji noýabrdaky prezidentlik saýlawlarynda Harris we Walz, Respublikançylardan dalaşgär ozalky prezident Donald Tramp we onuň saýlaw egindeşi senator J.D. Wanse bilen bäsleşerler.