Rus goşunynyň 29-njy oktýabrdaky bombalamalary Ukrainanyň ikinji uly şäheri bolan Harkowda dört adamyň ölmegine sebäp boldy diýip, şäher häkimi Ihor Terekow telegram kanalynda beren habarynda aýtdy.
Şäheriň Osnowyansk etrabyna edilen hüjüm raýat infrastrukturasyna we ýaşaýyş jaýyna-da zyýan ýetirdi diýip, Terekow aýtdy.
Bu ruslaryň şähere alty sagada golaý wagt içinde uran ikinji zarbasy boldy. Şäher merkezini nyşana alan ilkinji zarbada dokuz adam ýaralandy diýip, Terekow habar berdi.
Rus pilotsyz uçarlarynyň 29-njy oktýabrda eden aýry-aýry hüjümlerinde Kiýewe urlan zarbada ýaşaýjylaryň azyndan alty sanysy ýaralady, olaryň biri agyr ýagdaýda diýip, ukrain paýtagtynyň häkimi Witaliý Kliçko telegramda habar berdi.