Gyrgyzystan tussaglykdaky özbek jenaýat ketdesi Salim Abduwaliýewiň tussag edilmegi boýunça order çykardy. Bu barada 6-njy awgustda Gyrgyzystanyň Milli howpsuzlyk boýunça döwlet komiteti mälim etdi.
73 ýaşly Abduwaliýew şu ýylyň martynda Daşkendiň sudy tarapyndan ýaraglary we partladyjylary bikanun saklamakda we daşamakda günäli tapylyp, alty ýyl türme tussaglygyna höküm edilipdi.
Gyrgyzystanda onuň merhum gyrgyz jenaýat ketdesi Kamçybek Kolbaýewiň guramaçylykly jenaýat guramasyny maliýeleşdirmekde aýyplanýandygy bellenilýär.
Abduwaliýewiň ýokary derejeli özbek emeldarlary we “Doganlaryň Halkasy” diýilýän neşe gaçakçylyk torunyň liderleri bilen aragatnaşygynyň bolandygyna ynanylýar. Ýewraziýa yklymynda hereket edýändigi aýyldan “Doganlaryň Halkasy” toparynyň düzüminde Kolbaýew hem bolupdy. Ol geçen oktýabrda Bişkekde polisiýanyň ýörite operasiýasynyň dowamynda öldürildi.