Gyrgyzystanyň prezidenti Sadyr Žaparowyň inisiniň gyzynyň halaşýan ýigidi bikanun neşe maddasyny öndürmekde aýyplanyp, deslapky tussaghana ýerleşdirildi.
Aftandil Sabyrbekowy azyndan 3-nji awgusta çenli deslapky tussaglykda saklamak baradaky karar üç gün mundan öň kabul edildi diýip, Bişkegiň Birinji Maý etrap kazyýeti 10-njy iýulda aýtdy.
Sabyrbekow prezident Sadyr Žaparowyň inisi Dawlatbegiň gyzy Lazzat Nurgojoýewanyň halaşýan ýigidi hökmünde tanalýar.
Geçen aý Sabyrbekowyň Nurgojoýewa öýlenmegi teklip edişini görkezýän uly dabaranyň wideosy internetde ýaýradylyp, jemgyýetçilikde gahar-gazap döredenden soň, Žaparow öz garyndaşy sebäpli açyk ötünç sorady.