Gyrgyz prezidenti Sadyr Japarow Sowetler döwrüniň repressiýalarynyň pidalaryny aklamak baradaky kanun taslama gol goýmakdan ýüz öwürdi.
Gyrgyzystanyň Mejlisiniň websaýtyndaky maglumata görä, Japarow taslama boýunça goşmaça gepleşikleri geçirmek üçin, ony kanunçykaryjylara gaýtarypdyr.
Japarow hökümetiň 1918-1953-nji ýyllar aralygynda sowetleriň terrorynyň pidasy hökmünde ykrar edilen 18 müň gyrgyz raýatyna ýa-da olaryň neberelerine, kanun taslamada görkezilişi ýaly, aýlyk pul kömegini töläp bilmejekdigini belläpdir.
Gyrgyz kanunçykaryjylary bu taslamany iýunyň aýagynda tassyklapdylar.
Adam hukuklary boýunça Russiýadaky “Memorial” toparynyň maglumatyna görä, Iosif Staliniň 1930-njy ýyllardaky Uly Terrorynyň çäginde, azyndan 12 million adam repressiýalara düşüp, olaryň 1 milliondan gowragy jezalandyrylyp öldürilipdir.