Gyrgyzystanyň prezidenti Sadyr Žaparow 27-nji awgustda rus aýdymçylary Stas Mihaýlowyň, Filip Kirkorowyň we Lýusýa Çebotinanyň 31-nji awgustda, Gyrgyzystanyň Garaşsyzlyk baýramçylygynyň dabaralarynda çykyş etjekdigini aýtdy.
Bular Russiýanyň Ukraina çozmagyny aç-açan goldan bagşylar diýip bilinýär.
Russiýanyň Ukrainadaky urşuny goldaýandyklary sebäpli, bu aýdymçylaryň baramçylyk dabaralarynda çykyş etmegine garşylyk görkezildi.
Köp adam bu ýagdaýyň öňki sowet respublikasynyň özbaşdaklygyna we garaşsyzlygyna laýyk gelmeýändigini aýdýar.
Şeýle-de, protestçiler häkimiýetlerden rus aýdymçylaryna tölenjek puluň mukdarynyň açylmagyny talap etdiler.
Žaparow bu talaba aýdymçylaryň çykyşlarynyň mugt boljakdygyny aýdyp jogap berdi. Medeniýet ministri Altynbek Maksutow hem biraz öň rus aýdymçylarynyň garaşsyzlyk dabaralaryna gatnaşmagyny gorap çykyş etdi.