Gürjüstanyň öňki premýer-ministri, häzir ýurduň esasy oppozisiýa toparlarynyň birine ýolbaşçylyk edýän Giorgi Gakharia Gara deňziň kenaryndaky Batumi şäherindäki myhmanhananyň kabulhanasynda urlup-ýenjilenden soň keselhana ýerleşdirildi.
Gakharia Facebookda hüjümden soň “hemme zadyň kadalydygyny” ýazdy we tarapdarlaryna minnetdarlyk bildirdi. Ol ýüzüne we kellesine şikes ýeteninden soň, saglygynyň durnuklydygyny belledi.
Gakharianyň “Gürjüstan üçin” (For Georgia) partiýasynyň agzasy Tbiliside geçirilen metbugat ýygnagynda Gakharia 15-nji ýanwarda irden myhmanhananyň kabulhanasynda ýeke özi mahaly hüjüm edilendigini aýtdy.
Berdia Siçinawa, Gürjüstanyň iň güýçli adamy we dolandyryjy “Gürjüstan arzuwy” partiýasynyň esaslandyryjysy milliarder Bidzina Iwanişwilini hüjümi “gurnamakda” aýyplady.
Emma “Gürjüstan arzuwy” Gakhariany bu hadysa dahyllylykda aýyplady we oňa jenaýat jogapkärçiligine çekiljekdigi barada haýbat atdy.