15-nji iýulda Gürjüstanyň prezidenti Salome Zurabişwili "Daşary ýurt täsiriniň aç-açanlygy" baradaky kanunyň Gürjüstanyň konstitusiýasynyň birnäçe maddasyna, şol sanda ýurdunyň ÝB we NATO bilen integrasiýa islegi baradaky 78-nji maddasyna laýyk gelmeýändigi barada Konstitusiýa suduna arz etdi.
Prezidentiň resmi websaýtynda çap bolan beýanatda Zurabişwiliniň mejlisdäki sekretary Georgi Mshiladze ilkinji gezek açylan bu kazyýet işi barada mälim eden beýanynda "bu kazyýet işi bilen prezident agzalan kanunyň togtadylmagyny we gutarnykly ýatyrylmagyny isleýär" diýdi.
Gürji hökümeti daşary ýurtdan maliýeleşdirilýän we maddy serişdeleriniň 20 göteriminden gowragyny alýan habar beriş serişdelerine hem-de jemgyýetçilik guramalaryna berk gözegçiligi girizýän kanuny kabul etdi. Bu kanun geçen ýyl jemgyýetiň basyşy astynda ret edilensoň, şu ýyl kabul edildi.
Zurabişwiliniň 2018-nji ýylda prezidentlige kandidaturasyny goldan dolandyryjy “Gürjüstan arzuwy” partiýasy bilen arasynda düýpgöter gapma-garşylyk döredi, netijede onuň daşary ýurtlarda Gürjüstana wekilçilik etmek hukugy baradaky dawa ýüze çykdy we 2023-nji ýylda oňa impiçment bildirmek boýunça başa barmadyk synanyşyk boldy.