Gazagystanyň prezidenti Kasym-Žomart Tokaýew güýzde Türkmenistana sapar eder. Göz öňünde tutulýan sapara taýýarlyk barada, 5-nji awgustda prezident Serdar Berdimuhamedowyň özüniň gazak kärdeşi bilen geçiren telefon söhbetdeşliginiň dowamynda maslahat edilipdir.
Mümkin saparyň takyk senesi aýdyňlaşdyrylmaýar.
Resmi maglumata görä, Tokaýew Berdimuhamedowy Gazagystana sapar bilen gelmäge hem-de şu hepde Astanada geçiriljek Merkezi Aziýa döwletleriniň liderleriniň altynjy konsultatiw duşuşygyna we “Merkezi Aziýa – Ýaponiýa” dialogynyň birinji sammitine gatnaşmaga çagyrypdyr.