12-nji sentýabrda Gazagystanyň prokurorlary ýurtda dawaly ýadro elektrik stansiýasynyň gurluşygy boýunça pikir soralyşyklary geçireni üçin, dört adama we iki kompaniýa jerime salnandygyny mälim etdi.
Maglumatda aýdyňlaşdyrylmadyk şahslaryň we kompaniýalaryň pikir soralyşygy geçirmek baradaky planlaryny, häkimiýetlere öňünden äşgär etmezlikde günäli tapylandygy nygtalýar.
Ýadro elektrik desgasyny gurup ýa gurmazlyk meselesi barada 6-njy oktýabrda tutuş ýurt boýunça referendum geçirilmeli.
Gazagystanda ýadro desgalary baradaky mesele jedelli bolmagynda galýar. Sowetleriň 1949-1991-nji ýyllar aralygynda geçiren ýadro synaglary ýurduň daşky gurşawyna juda ýaramaz täsir ýetirdi.