Gazagystanda Astananyň sudy ozalky ykdysadyýet ministri Kuandyk Bişimbaýewiň aklawçylarynyň, öz müşderisine bildirilýän “aşa zalymlyk bilen adam öldürmek” aýyplamasyny, “tötänden adam öldürmek” bilen çalyşmak baradaky ençeme haýyşyny ret etdi.
12-nji martda geçirilen diňlenişikde, eminler tarapyndan geçirilejek kazyýet işiniň senesi 27-nji mart diýlip kesgitlenildi. Deslapky diňlenişikde Bişimbaýew özüniň günäsizdigini aýtdy.
Prokurorlar Bişimbaýewi geçen noýabrda öz garyndaşlarynyň eýeçiligindäki bir restoranyň içinde, aýaly Saltanat Nukenowany ençeme sagatlap zalymlarça ýençmekde aýypladylar.
31 ýaşly Nukenowa urgular sebäpli soňundan jan berdi.
Bişimbaýewiň günäsi subut edilse, oňa 20 ýyla çenli türme tussaglygy berlip bilner.
Bu iş, Gazagystanda maşgaladaky zorluklar baradaky nägilelikleriň has artýan döwründe, jemgyýetçiligiň uly ünsüni çekdi. Gazagystanda her alty zenanyň biri, erkek ýoldaşlary tarapyndan fiziki sütemlere duçar edilýär.