Garyşyk söweş tärleri boýunça türkmenistanly türgen Döwletjan Ýagşymyradow “PFL 8” (Professional Fighters League 8) ýaryşynyň regulýar möwsüminiň final tapgyryna çykmagy başardy.
17-nji awgustda ABŞ-nyň Hollywood şäherinde geçirilen ýarym agyr (93 kg çenli) agram derejesindäki tutluşykda Ýagşymyradow, eminleriň biragyzdan gelen netijesi esasynda, awstraliýaly Rob Uilkinsondan üstün çykdy.
PFL-iň Gran-prisiniň finalynda Ýagşymyradow, geçen möwsümiň ýeňijisi, ABŞ-ly Impan Kasanganaý bilen güýjüni synap görer.
35 ýaşly türkmenistanly türgen tertip altynjy ýeňişini gazandy. Onuň hasabynda häzire çenli jemi 24 ýeňiş, 7 ýeňliş we bir deňme-deň netijesi bar.