Birleşen Milletler Guramasynyň Çagalar gaznasyna görä, Owganystanda 13 million çemesi çaga ynsanperwer ýardamlara mätäç galýar. Bu ýurtda çagalar ýeterlik iýmitlenmezlik, keselçilik, bilim mümkinçilikleriniň elýetersiz bolmagy ýaly problemalaryň pidasy bolýar. Üstesine, bu ýurduň ilaty, şol sanda çagalar ýyllarboýy dowam eden çaknyşyklardan, galyberse-de gaýtalanýan tebigy harasatlardan ejir çekdiler. Bulardan başga-da, golaýda Demirgazyk Owganystanyň ilaty, şol sanda bu sebitlerde ýaşaýan etniki türkmenler adam ýitgilerine getiren sil suwlaryna sezewar boldular.
Dünýä Türkmenleriniň nobatdaky sany Çagalary goramagyň halkara gününde owgan çagalarynyň, şol sanda bu ýurtaky etniki türkmen maşgalalarynda ösüp ýetişýän çagalaryň ýaşaýyş-durmuş şertlerine ünsi çekýär. 1-nji iýun dünýäniň ençeme ýurtlarynda Çagalary goramagyň halkara güni hökmünde bellenip geçilýär. Gepleşigimize ABŞ-da ýaşaýan owganystanly türkmen žurnalisti Şamerdanguly Myrady gatnaşýar.
Siziň brauzeriňiz HTML5 formatyny goldamaýar
Demirgazyk Owganystan: Çagalaryň hukuklarynyň we abadançylygynyň durmuş goraglylygy gözgyny ýagdaýda - DT