Russiýanyň Ukrainanyň milli we medeni mirasyny weýran etmegi
1960-njy ýylda gurlan Mariupoldaky Donetsk sebit drama teatrynyň aglaba bölegi 16-njy martda edilen rus zarbasynda weýran boldy. Ukrainanyň asuda ilaty bu teatry gaçybatalga hökmünde ulanýardy we ýerli resmiler şol hüjümde 300 töweregi adamyň ölendigini aýdýarlar.
Çernihow şäherinde kitaphana hüjüm edildi. Şäher ukrain goşunlary tarapyndan yzyna alyndy. 9-njy aprelde bir adam hüjümiň kitaphana ýetiren zyýanyna seredýär.
12-nji martda Harkowdaky ammarda taryhy tramwaý. Oňa rus hüjümleriniň zyýan ýetirendigi habar berildi.
Lukaşiwkadaky agyr zeper ýeten bu ybadathananyň rus esgerleri tarapyndan ok-däri saklamak üçin ulanylandygy aýdylýar.
Bir wagtlar kosmosa uçan ilkinji adam, rus kosmonawty Ýuriý Gagariniň adyny göteren Çernihow olimpiýa sport türgenleşik merkezi rus hüjüminde weýran boldy. 13-nji aprelde düşürilen surat.
1910-1913-nji ýyllarda gurlan Korolenko Çernihow sebitleýin uniwersal ylmy kitaphanasy rus hüjüminden zyýan çekdi. 30-njy martda düşürilen surat.
2-nji aprelde ukrain harby gullukçysy dünýäniň iň uly uçary bolan Antonow An-225 Mriýa transport uçarynyň ýanyndan ýöräp barýar. Ukrain resmileri munuň 27-nji fewralda Hostomeldäki Antonow howa menzilinde bolan söweşde ruslaryň eden howa zarbasynda weýran bolandygyny aýdýarlar. "Arzuw" ýa-da "ylham" diýmegi aňladýan "Mriýa", dünýädäki awiasiýa höwesjeňleri tarapyndan halanýardy.
27-nji martda düşürilen suratda Harkowdaky "Mukaddes, wepaly şa aýal Tamara ybadathanasyna" urşuň ýetiren zyýanyny görse bolýar.
1871-1877-nji ýyllar aralygynda gurlan “Trostýanets-Smorodin” demir ýol menziline agyr zyýan ýetdi. "Fransiýa 24" telekanalyna görä, rus goşuny bu demir ýol menzilini özüniň ştab-kwartirasy hökmünde ulandy we olary bu ýerden kowmak ugrundaky söweş oňa agyr zyýan ýetirdi.
Günorta port şäheri Mariupolda uruş zerarly weýran bolan Medeniýet köşgi. Ukrainanyň Medeniýet we maglumat syýasaty ministrligi raýatlardan Russiýa garşy jenaýat işiniň subutnamasy hökmünde ulanylyp bilinjek, urşuň ýetiren zyýanyny subut edýän suratlary ibermegi soraýar.
Rus zarbasy Harkowyň etegindäki Drobytskiý Ýar Holokost ýadygärlik toplumynyň menora görnüşindäki ýadygärligine zyýan ýetirdi. Bu ýer Ikinji Jahan urşy döwründe faşistler tarapyndan köpçülikleýin öldürilen ýewreýleriň hatyrasyna döredilen ýadygärlikdir.
Rus güýçleriniň Çernihowa eden hüjüminden zyýan çeken jemgyýetçilik kitaphanasynyň galyndylary.
Peremoha obasynda bolan atyşyk zerarly zeper ýeten ybadathana. Ýerli ýaşaýjylar prawoslaw pasha baýramy mynasybetli ybadathananyň çäginde geçirilen çäreden öýlerine gaýdyp barýarlar.