“Azerbaýjan Howaýollarynyň” 25-nji dekabrda Gazagystanda ýykylan ýolagçy uçary Russiýanyň howa goranyş ulgamynyň işi netijesinde heläkçilige uçrady diýip, bir topar habar serişdesi 26-njy dekabrda, Bakuwdaky çeşmelere salgylanyp habar berdi.
“Roýters” habar gullugy bu baradaky habarynda Azerbaýjandaky derňew işleri bilen tanyş dört çeşmä salgylanýar.
Ýykylanda 38 adamyň ölmegine sebäp bolan “Embraer” uçary Groznydaky howa menzilinde, barýan ýerinde gonmak mümkinçiligi berilmänsoň, Russiýanyň howa giňişligini terk edip, heläkçilige uçrady.
Degişli maglumat Azerbaýjan uçar heläkçiliginiň pidalarynyň hatyrasyna Milli ýas gününi yglan etdi