BMG-niň Howpsuzlyk Geňeşi Ysraýyl bilen Hamasyň arasyndaky ok atyşyklaryň dessine togtadylmagyny, şeýle-de zamunlaryň ählisiniň dessine we öňünden hiç hili şert goýulmazdan azat edilmegini talap etdi. ABŞ we Ýewropa Bileleşigi Hamas toparyny terroristiki gurama hökmünde ykrar edýär.
Birleşen Ştatlar 25-nji martda geçirilen ses berişlikde saklandy. Geňeşiň galan 14 agzasy rezolýusiýany goldap ses berdi.
“Palestinanyň halky köp görgi gördi. Bu gan döküşik gaty uzak dowam etdi. Gaty giç bolmanka, biz bu gan döküşlige soň bermelidiris” diýip, Alžiriň BMG-däki ilçisi Amar Bendjama, Geňeşdäki ses berişlikden soň, žurnalistlere aýtdy.