ABŞ-nyň döwlet sekretary Antoni Blinken Ýakyn Gündogara eden çalasyn sapary wagtynda Gazada atyşygyň bes edilmegi ugrundaky tagallalary tizleşdirmäge çalyşdy, ýöne sebiti ABŞ we ÝB tarapyndan terror guramasy diýlip kesgitlenen Hamas topary bilen Ysraýylyň arasynda gelnen, ýöne şindem düşnüksiz bolup galýan ylalaşyk bilen terk etdi.
Blinken we Müsürden, Katardan gelen araçylar ABŞ-nyň 10 aýlyk urşy soňlamak üçin iki tarapyň arasyndaky boşluklary azaltmaga gönükdirilen "köpri teklibine" bil bagladylar we geçen hepde geçirilen gepleşikler hiç hili böwsüş gazanylman togtadyldy.