ABŞ-nyň döwlet sekretary Antoni Blinken 31-nji iýulda ABŞ hökümetiniň Gürjüstanyň hökümetine berýän 95 million dollardan gowrak kömegine arakesme berilýändigini aýtdy.
Blinken bu arakesmäniň "Gürjüstanyň hökümetiniň demokratiýa garşy hereketleri we ÝB we NATO agzalyk kadalaryna laýyk gelmeýän galp beýanatlary" bilen baglanyşyklydygyny aýtdy.
Hökümete berilýän kömege arakesme berilse-de, Birleşen Ştatlar Gürjüstanda demokratiýany, kanunyň hökmürowanlygyny, garaşsyz metbugaty we ykdysady ösüşi pugtalandyrýan maksatnamalara we çärelere goldaw bermegini dowam etdirer.
ÝB Gürjüstanyň Goranmak ministrligine berýän kömegini 9-njy iýulda doňdurdy.