Türkmenistanyň prezidenti Serdar Berdimuhamedow 29-njy oktýabrda Aşgabatda “Ýylyň türkmen edermen alabaýy” atly halkara bäsleşigi geçirmek baradaky buýruga gol çekdi.
Bu bäsleşik Türkmenistanyň prezidentiniň 2021-nji ýylyň 9-njy aprelinde çykaran kararyna laýyklykda, Türkmen alabaýynyň baýramy mynasybeti, alabaýyň dünýädäki şan-şöhratyny has-da belende galdyrmak maksady bilen geçiriler diýip, TDH habar berýär.
Şeýle-de, alabaý itleriniň daşky keşbini şekillendiriş we amaly-haşam sungaty eserlerinde, neşir önümlerinde, fotosuratlarda, teleýaýlymlarda çeper beýan etmek boýunça halyçylaryň, suratkeşleriň, heýkeltaraşlaryň, fotosuratçylaryň, neşirýat işgärleriniň we teleoperatorlaryň arasynda bäsleşik geçiriler diýip, habarda aýdylýar.
Bu habar ýurtda itleriň zalymlyk bilen öldürilýändigi barada ýaýran nobatdaky habarlaryň yz ýanyna gabat geldi.
Degişli maglumat Aşgabadyň eteginde köçelerdäki itler öldürilýär