Ukrainanyň diplomatik missiýanyň Facebook sahypasynda çap bolan maglumata görä, häzirki wagtda Russiýa tarapyndan wagtlaýyn basylyp alnan Ukrainanyň Donetsk şäherinde öndürlen "Esfero" we "Dolci" atly şokolad süýjüleri Aşgabatdaky söwda nokatlarynda satylypdyr.
Ukrainanyň Türkmenistandaky ilçihanasynyň gatyşmagyndan soň türkmen häkimiýetleri bu harytlary satuwdan aýrypdyr.
Ukrain ilçihanasynyň 20-nji dekabrda çap eden maglumatyna görä, Aşgabatda Doneskde öndürlen süýjüleriniň satuwda peýda bolmagy barada noýabr aýynda anyklanypdyr we Ukrainanyň basyp alnan ýerlerinde öndürilen harytlar Russiýanyň üsti bilen Türkmenistana alnyp barylypdyr.
"Bu önümler, Ukrainanyň giňişligini basyp almagyny kanunlaşdyrmaga synanyşan rus gurluşlarynyň kömegi bilen bikanun getirildi" - diýip, ukrain ilçihanasy belledi.
Ilçihana Türkmenistanyň DIM-niň we partnýor ýurtlarynyň goldawy bilen bu harydyň satuwdan aýrylandygyny mälim etdi.