17-nji oktýabrda Birleşen Ştatlar, Moskwanyň Ukrainadaky alyp barýan doly gerimli urşunda ulanýan dronlarynyň önümçiligi we transporty bilen ilteşikli Hytaýyň iki kompaniýasyna we olar bilen bagly ýene bir rus kärhanasyna sanksiýalary girizdi.
ABŞ-nyň Maliýe departamenti pilotsyz enjamlar üçin hereketlendirijileri ýasaýan Hytaýyň “Xiamen Limbach Aircraft Engine Company” we hüjüm dronlaryny daşaýan “Redlepus Vector Industry Shenzhen” kompaniýalaryna gadagançylyk girizendigini mälim etdi.
Maliýe departamenti bu täze sanksiýalaryň Russiýanyň kärhanalary bilen hyzmatdaşlykda doly ýarag ulgamlaryny öndürýän Hytaýyň kärhanalaryna garşy girizilen ilkinji gadagançylyk bolandygyny belledi.
Mundan öň, Russiýanyň harby senagaty üçin möhüm ätiýaçlyk şaýlaryny öndüren hytaýly kompaniýalara garşy sanksiýalar girizilipdi.