Birleşen Ştatlar 31-nji oktýabrda Demirgazyk Koreýanyň 8000 töweregi esgeriniň häzir ukrain serhediniň golaýynda, Russiýanyň Kursk sebitinde ýerleşdirilendigi barada maglumat alandygyny we Russiýanyň olary ukrain goşunlaryna garşy söweşde ulanmakçy bolýandygyny aýtdy.
ABŞ-nyň döwlet sekretary Antoni Blinken Döwlet departamentinde geçirilen brifingde Birleşen Ştatlaryň ol esgerleriň ýakyn günlerde fronta iberilmegine garaşýandygyny aýtdy. Blinken, eger-de söweşe iberilse, olaryň "kanuny harby nyşana" öwrüljekdigi barada aýdylanlary gaýtalady.