Lebaply kärendiçiler gowaçanyň birinji ýuwuş suwlarynyň entegem tutulmadygyny aýdýarlar

Lebapda Amyderýanyň suwunyň derejesiniň birnäçe esse kemelmegi, sebitde gyzyşan oba-hojalyk işleriniň bökdemegine sebäp bolýar. Ýurduň gündogar welaýatyndaky habarçymyz Amyderýanyň suwunyň, geçen ýyllaryň şu döwri bilen deňeşdirilende tas üç esse kemelendigini aýtdy. Ýerli oba-hojalyk hünärmenleri bu ýagdaýlara gyssagly çäre görülmese, onda hususan-da pagta hasylynyň pes boljakdygyny duýdurýarlar.